Кога животот станува бурен, може да биде лесно да го жртвуваме нашето здравје. A онаа позната поговорка ни станува многу блиска и позната, дури кога сме на чекор трајно да го нарушиме здравјето. Занемарувањето на спиењето, вежбањето и исхраната може да биде вашата линија на најмал отпор. Но, постојат мали чекори што можете да ги преземете дома за да го одржите вашето здравје на вистинскиот пат дури и во овие стресни времиња. Ви препорачуваме да започнете со овие неколку совети уште денес:
Спијте: Ослободете се од нередот на ноќното столче
Доволното одморање е основа за добро здравје, но сигурно е лесно да се занемарат ноќните длабоки соништа кога животот ни станува прилично зафатен. Спалната соба во која се чувствувате мирно и смирено им сигнализира на вашето тело и ум дека е време да се намалите и да го оставите зад себе вашиот бурен ден. За да создадете мирна аура и атмосфера во вашата спална соба, започнете со средување на ноќната масичка и отстранување на сè она што веќе не го користите или не ви е секојдневно потрeбно. Размислете за книгите што веќе сте ги прочитале или сте ги занемариле, да бидме искрени нема скоро да ги читате, застарените списанија, неискористените лосиони и креми за раце или предмети од вашата чанта. Чувајте ги само оние работи што ги користите, како ламба, будилник, или оние кои ве смируваат или ве радуваат, како што е фотографија од сакана личност, мала вазничка добиена на подарок или само некоја посебна книга. Имајте само неколку предмети на вашата ноќна маса, што помалку, тоа го олеснува одржувањето на чистотата и прашината.
Одредете едно место за облеката и опрема за вежбање
Ако вашата цел е да вежбате неколку пати неделно, размислете да посветите дел од вашата гардероба или плакар на облеката за вежбање и крпите. Оставјаќи ги на едно место ќе ви заштеди време бидејќи нема да треба да буричкате за да ја пронајдете вашата облека. Ова е особено корисно ако вежбате рано наутро и сакате да ја вкусите секоја последна минута од спиењето.
Слично на тоа, чувајте ја вашата опрема за вежбање (душеци за јога, тегови, топки за вежбање) во една област (можеби блиску до телевизорот ако го „стримувате“ тренингот). Чувајте ги сите додатоци што ми се потребни за одење – очила за сонце, капа, ракавици, слушалки, крема за сончање – во фиоката веднаш во претсобјето. На тој начин можете да излезете брзо, без непотребно задржување и вртење во круг „што заборавив?“, „дали нешто заборавам сега?“. Подгответе ја вашата торба за вежбање со крпи и други лични предмети. По перењето, можете да ги ставите предметите веднаш назад во торбата или во вашиот посветен простор за облека за вежбање. Само еден простор, така се договоривме нели? 🙂
Исхрана: Исчистете ги фрижидерот и оставата
Ако веќе морате да проверувате низ многу фиоки и прегради само за да ги соберете сите состојки за да направите јадење, ќе ви биде незгодно да правите здрави оброци и може да прибегнете тивко и полека, несвесно кон полесни, помалку хранливи опции. Не дозволувајте нередот во фрижидерот да биде пречка. Откако ќе ја фрлите старата и расипана храна, групирајте ги преостанатите продукти по категории (онака како ние што градиме домови 🙂 таму цемент, онде железо ): зеленчук, овошје, месо, зачини, храна за појадок – за полесно да ги најдете.
Ако салатата е главнa ваша намирница, размислете да ги ставите сите ваши состојки за салата на послужавник или во мала корпа за да можете да ги извлечете сите одеднаш. Слично на тоа, групирајте ги состојките за сендвич или цитронестите овошја за цедење – или која било категорија што често ја подготвувате.
„Време за вашето време“ : планирајте си време за опуштање во „ненатрупан“ простор
Времето резервирано само за нас е добро за душата, но може да биде тешко да се најде место за тоа во нашите динамични скопски распореди. Кога вашите деца беа мали и го имавте реткиот момент за себе, губевте време обидувајќи се да одлучите што да правите – да ја подзачистите собата или домот можеби, да вежбате; или да читате книга или да тркнете во тоа малку слободно време до продавница на раат и мир – и на крајот речиси ништо од сето тоа! Познато нели?
Ви препорачуваме да закажете време во вашиот календар за себе и да го почитувате состанокот „со себеси“ како и за секој друг. Исто така, препорачуваме однапред да одлучите како ќе го потрошите „вашето време“, за да не го „изгорите“ на крај со сите отворени можности како што опишваме малку погоре.
Ако не можете да се опуштите за време на „вашето време“ поради нередот, тогаш ви препорачуваме да го искористите тоа време за да работите на негово решавање. Секој почеток започнува со првиот чекор, дури и нашите најголеми комплексни градби верувајте! Расчистувањето може да биде огромно, емотивно напорно и да одзема многу време, но затоа бидете полни со разбирање кон себе си додека го правите тоа. Вие ќе напредувате дури и ако одвојувате само десеттина минути дневно. Честопати, физичкото пренатрупување во вашиот дом, може да доведе до емоционална вознемиреност сите го знаеме тоа. Откако ќе го средите просторот, сигурно ќе ви биде полесно да се опуштите, ама навистина да се опуштите за време на вашето драгоцено време за себе.
Ако не можете сами да се справите со расчистувањето, размислете да ангажирате професионален декоратор на домот. Компетентните планери ќе ве држат на вистинскиот пат кон вашите цели, ќе ве водат или заедно ќе ги донесете одлуките низ процесот за да функционирате понатака најдобро.